У той час як Еўрасаюз
выражае сваю заклапочанасць і разважае аб неабходнасці ваеннага ўмяшальніцтва ў канфлікт
у афрыканскім Малі, 15 кастрычніка крызіс у гэтай краіне быў у цэнтры малітваў удзельнікаў
Сінода Біскупаў. Перад імі выступіў старшыня малійскага епіскапатe, арцыбіскуп Жан
Баптыст Цьяма. Іерарх расказаў аб складанай сітуацыі ў дзяржаве. У інтэрв’ю нашаму
радыё ён адзначыў, што Малі зараз перажывае вельмі драматычны перыяд: мір тут захоўваўся
на працягу апошніх 20 гадоў, але са студзеня 2012 г. радыкальныя ісламісцкія групоўкі
пачалі акупаваць паўночныя тэрыторыі дзяржавы. На сённяшні дзень, паводле яго слоў,
2/3 тэрыторыі Малі знаходзіцца пад кантролем ісламістаў. Яны ўсталявалі свае законы,
якія выключаюць рэлігійную свабоду і парушаюць прынцып свецкаскі дзяржавы.
Каталіцкі
Касцёл да гэтага часу вельмі актыўна спрыяў вырашэнню сацыяльных праблем у Малі: былі
пабудаваны школы, бальніцы, аказвалася гуманітарная дапамога. “Такім чынам мы евангелізуем
тыя 2,5 працэнты хрысціян прысутных у краіне, спрабуючы перш за ўсё адукоўваць свецкіх
і святароў”, - сказаў іерарх. У кантэксце цяперашняй сітуацыі, ён выразіў просьбу
аб падтрымцы. “Мы маем патрэбу у дапамозе ўсяго свету і перш за ўсё з боку ААН”, -
сказаў іерарх.