Аргентынскі святар: Папа плануе падарожжа ў Буэнас-Айрэс
Папа здзейсніў чарговы
нечаканы тэлефонны званок. На гэты раз яго адрасатам стаў кс. Хорхе Кікідзола, які
з’яўляецца душпастырам адной з паўночна-аргентынскіх парафій, паведаміла інфармацыйнае
агенцтва “ANSA” са спасылкай на самаго святара. Святы Айцец пажадаў асабіста павіншаваць
яго з Днём нараджэння, а таксама падзяліўся некаторымі сваімі планамі на будучыню.
Паводле святара, Пантыфік хоча здзейсніць падарожжа ў Буэнас-Айрэс у снежні 2013 г.
Акрамя таго, Папа жадае застацца жыць у Доме св. Марты, бо тут заўсёды можа абменьвацца
навінамі і чуць каментары. Прабыванне ў Апостальскім палацы Францішак успрымае як
свайго роду ізаляцыю.