Նիւ Օրլինզի Մէջ Հրացանաձգութիւն Մը 19 Վիրաւորներ Կը Պատճառէ
Միացեալ Նահանգներու Նիւ Օրլինզ քաղաքին մէջ` Մայրերու օրուան առիթով կազմակերպուած շքերթի
մը ժամանակ հրացանաձգութիւն մը տեղի ունեցած է` պատճառելով 19 վիրաւորներ: Քաղաքին
ոստիկանութիւնը յայտնած է, որ վիրաւորներու շարքին են 10 տարեկան երկու երեխաներ: Ականատեսներու
վկայութիւններէն ի յայտ եկած է, որ կրակոցը արձակած են երեք անձեր` երկու տեսակի զէնքերէ:
Ոստիկանները ի յայտ բերած են, որ կրակողներէն մէկը հաւանաբար 18-22 տարեկան է: Ներկայիս
քաղաքի ամբողջ ոստիկանութիւնը զբաղած է յանցագործները փնտռելով: «Էֆ.Պի.Այ.»-ը դէպքը
ահաբեկչութիւն չի նկատեր, այլ ընդամէնը` փողոցային բռնութեան դրսեւորում: Նիւ Օրլինզի
ոստիկանութիւնը յանցագործներուն վերաբերեալ որեւէ տեղեկութիւն հաղորդելու դիմաց 2.5 հազար
տոլար խոստացած է: