Tweet i Papës: nëse duam ta ndjekim Krishtin nga afër, nuk mund të kërkojmë jetë të
rehatshme
Në tweet-in e ditës, kur Kisha kujton katër gra martire, Papa shkruan: “Nëse duam
ta ndjekim Krishtin nga afër, nuk mund të kërkojmë jetë të rehatshme e të qetë. Jeta
jonë do të jetë plot me veprimtari, por edhe plot me gëzim”. Shenjtoret, që përkujtohen
sot në liturgji, janë Rufina, Sekonda, Anatolia e Viktoria: katër vasha romake, që
jetuan në shekullin e tretë. Të katra të fejuara, nuk iu nënshtruan presioneve të
të fejuarve paganë, që donin t’i detyronin ta mohonin fenë e krishterë. Të paditura
pranë autoriteteve perandorake, pasi kishin vendosur të ndiqnin jetën rregulltare,
u mbytën barbarisht. Kujtojmë se në faqen e internetit pontifex@, në nëntë gjuhë,
mbi 7 milionë e 300 mijë ndjekës lexojnë tweet-t e Papës.