Пантыфік наведае 21
снежня 2013 г. ватыканскі дзіцячы шпіталь “Bambino Gesu”, адзін з самых буйных у Еўропе
педыятрычных і даследчых цэнтраў, дзе працуе каля 2600 медыкаў. Яго візіт пачнецца
са шпітальнай капліцы, дзе Святы Айцец затрымаецца на некаторы час для малітвы. Затым
ён наведае аддзяленні бальніцы, дзе сустрэнецца і паразмаўляе з маленькімі пацыентамі,
іх бацькамі і медыцынскім персаналам. За візітам Папы можна будзе назіраць па тэлевізарах
у кожнай палаце – будзе наладжана прамая трансляцыя.
“Bambino Gesu” прымае
штогод 27 тыс. пацыентаў. Тут здзяйсняецца 25 тыс. хірургічных аперацый і 71 тыс.
візітаў у аддзяленне неадкладнай дапамогі. 11% ад агульнай колькасці выпісаных хворых
складаюць дзеці з-за межаў Італіі. У перыяд паміж 2010 г. і 2012 г. такіх пацыентаў
было 30 тыс. Сярод іх 15% паходзяць з Цэнтральнай і Усходняй Еўропы.
Візіт
папы Францішка стане працягам традыцыі, якую падтрымлівалі яго папярэднікі, а заклаў
Ян XXIII у Божае Нараджэнне 1958 г.