«Քորրեսփոնտընթ» կայքը կը հաղորդէ, որ Ուքրանիոյ Գերագոյն Ռատային մէջ նախագահի ներկայացուցիչ
Շրջաններու կուսակցութեան անդամ Եուրի Միրոշնիչենքօ «Այ.Սի.Թի.Վի.» պատկերասփիւռի կայանի
«Խօսքի ազատութիւն» յայտագիրին ընթացքին յայտնած է, որ Ուքրանիոյ նախագահ Վիքթոր Եանուքովիչ
պատրաստ է արտակարգ ընտրութիւններու կայացման, եթէ ներքաղաքական ճգնաժամի յաղթահարման
հարցին մէջ կառավարութիւնն ու ընդդիմութիւնը փոխզիջում չկատարեն: Միրոշնիչենքօ` մէջբերելով
նախագահին խօսքերը, ըսած է. «Եթէ մենք` քաղաքական գործիչներս, չենք կարենար համաձայնութիւն
գոյացնել, ապա ստեղծուած իրավիճակը շտկելու միակ ժողովրդավար տարբերակը արտահերթ ընտրութիւններու
կատարումն է: Խօսքը սահմանադրական բարեփոխումներու, խորհրդարանական ու նախագահական ընտրութիւններու
մասին է»: