(Ռատիօ Վատիկան) Եւրոպայի քրիստոնեայ եկեղեցիները Եւրոպայի Միութենէն կը պահանջեն զօրակցութիւն ցուցաբերել գաղթականներուն ու փախստականներուն։
''Եւրոպան պէտք է ու պարտական է աւելին ընել` պաշտպանելու գաղթականներու եւ փախստականներու կեանքերն ու արժանաւորութիւնը'' կը գրեն քրիստոնեայ եկեղեցիները ու անոնց հետ այլ համամիութենական 5 կազմակերպութիւններ, Եւրոպական Միութեան ուղղած իրենց մէկ կոչին մէջ։
Եւրոպայի եկեղեցիները կը խնդրեն որ յարգուի միջազգային իրաւունքը եւ երաշխաւորուի գաղթականներուն անցքը` միանալու համար իրենց ընտանիքի պարագաներուն։ Այս իրականացնելու համար, կր գրեն Եւրոպայի Եկեղեցիները, հարկաւոր է համագործակցութիւնը Պետութիւններու միջեւ։ Անոնք ապա կը խնդրեն որ Թուրքիան յարգէ ստանձնած պարտականութիւնները ինչպէս նաեւ կոչ կ՛ուղղեն ամէն ջանք թափելու` Սուրիոյ մէջ խաղաղութեան հաստատումին ի սպաս, մաղթելով որ արդարութիւն ու ազատութիւն տրուի կրօնական բոլոր փոքրամասնութիւններուն։
All the contents on this site are copyrighted ©. |