NUNTII STATIONIS RADIOPHONICAE VATICANAE PARTITIONIS GERMANICAE
IN LINGUAM LATINAM VERSI
HIER die deutsche Version
HIER die Artikel von 2012
HIER die Artikel von 2011
HIER die Artikel von 2010
HIER die Artikel von 2009
HIER die Artikel von 2008
HIER die Artikel von 2007
HIER die Artikel von 2006
Traduxit: Gero Pius Caputsapiens (Gero P. Weishaupt)
Litterae electronicae ad translatorem
Hier zum Nachhören das Audio-file:
 Format mp3 |
Format Real Audio
|
(25/9/2012)
Die secundo mensis Octobris anni bismillesimi duodecimi
E Civitate Vatiana: Quidam philosophus et quidam theologus praemio titulo "Ratzinger" inscripto honorabuntur
Cuidam Philosopho Francogallico et cuidam Patri Societatis Iesu Civitatum Unitatum Amerciae Septentrionalis praemium Iosepho Ratzinger dedicatum anni bismillesimo duodecimi offeretur, cumquaestionibus theologicis tranctandis praestiterint. Hoc notum factum est Veneris die in Civitate Vaticana. Benedictus XVI Papa ipse praemium die vicesimo mensis Octobris ambibus viris doctis tradet. Primus eorum est Remigius Brague, qui philosophus et historicus scientiae humanae natione Francogallicus praeter alia in cathedra Romani Guardini Monachii docet. Secundus, qui praemio honorabitur, ille Pater Societatis Iesu natione Americanus Septentrionalis est, cui nomen est Brian E. Daley, qui peritus est eorum, quae ab Ecclesiae Patribus docta sunt. Praemium quinquaginta miliis Euronorum dotatum a Fundatione Vaticana, quae titulo "Ioseph Ratzinger" inscribitur, iterum offeretur.
De rerum adiunctis recentibus in causa Pauli Gabriele
Sedicim paginas libellus, quo Paulus Gabriele accusatur, actis instructionis suppletus a Sede Apostolica iussu Summi Pontificis integer in interrete publicatus comprehendit. Coram instructore Sedis Apostolicae is, qui prius famulus cubicularius furerat, instructionis causa in custodiam datus omnia confessus est. Gabriele in iudicium vocatus ab advocata Christina Arru defendetur. Alius defensor, qui abhinc annos cum accusato amicitia coniunctus est, aliquot hebdobamdibus ante se mandato abdicavit, quod se fecisse dixit, cum de modo defendendi opinionum conflictus exortus esset.
Papa: "Liturgia fons praecipuus precationis"
Admissis christifidelibus Benedictus XVI in memoriam revocavit Liturgiam fontem esse magni momenti scholamque precationis. Benedictus XVI die Martii orationes de precatione pergebat. Praeter lectionem divinam liturgiam esse, qua fieri posset, ut necessitudo cum Deo institueretur. Eucharistia maxime cum celebraretur, Dominus mortisque mysterium et resurrectionis suae repraesentarentur. Ut vero Liturgia reapse "precatio, colloquium et conventus" cum Deo fieri posset, responsione opus esse christifidelium Papa dixit.
